نعت الفنانة المصرية هنا الزاهد، الفنان الراحل طلعت زكريا برسالة مؤثرة، عبر حسابها على موقع الصور والفيديوهات إنستجرام.
ونشرت "هنا"، صورة تجمعها بالفنان الراحل ، وعلقت قائلة : "دي آخر صورة اتصورتها في كتب كتابي مع أبويا وحبيبي وسندي اللي كبرت معاه سنين".
وتابعت: "أنا فاتحة الصورة دي من بدري وعايزة أقولك إن ربنا هيدخلك الجنة يا أطيب خلق الله".
وأكملت: "إنت ربيت ٣ بنات كأنك أبوهم وأكتر، أنا عايزة أقولك إني معرفتش كلمة بابا غير وأنا معاك، وعمري ما قولت أصلا تقريبا بابا غير ليك، وكنت بجري عليك أول معمل حاجة غلط عشان تدافع عني قدام ماما".
واستذكرت من المواقف التي جمعتها بالفنان الراحل: "فاكرة أول بيض أومليت طبخته وقولتلي اعملي مطعم "بالهنا والشفا" وإديتني ١٠٠ جنيه عشان تشجعني أطبخ".
وأضافت: "كنت دايما تقولي إنتي هتبقى حاجة كبيرة وكنت بتشجعن، كنت فخور بيا لما اتخرجت وعيطت اليوم ده، أنا عمري ما حسيت إنك مش أبويا اللي مخلفني".
وإختتمت "هنا": "أنا بحبك أوي ومكنتش أعرف إني بحبك أوي كده، وهتوحشني يا أحن إنسان عرفته في حياتي، أرجو الدعاء".
ورحل الفنان طلعت زكريا، مساء أمس الثلاثاء بعد تعرضه لوعكة صحية، ونقل على إثرها لإحدى المستشفيات عن عمر يناهز 59 عامًا.
